葉蒨文目擊車禍發生 竟無人報警相當震驚：唔好覺得怕麻煩
撰文：洪曉璇
出版：更新：
於無綫（TVB）處境喜劇《愛·回家之開心速遞》，飾演島大女神Candy成功入屋的葉蒨文（Sophie），近年曝光率甚高，不時更新社文網向粉絲派福利。近日她在IG STORY透露目擊車禍發生，竟完全無人報警令她相當震驚。
1月10日葉蒨文在限時動態發文，指自己在中環目睹交通意外：「見到一架車自己撞咗上壆，車頭爛晒、安全氣袋爆晒出嚟，身邊無警察亦都無人圍住架車，經過咗之後，我諗諗吓覺得唔係好對路，我就打999問有無人報過警，佢地話我係第一個打去。」
現場甚多車輛經過而且有點塞車，竟一直無人報警令葉蒨文非常錯愕：「希望無延遲到救護。希望如果大家見到呢啲情況，經過事故現場見到無警察封路、無人幫手，唔好怕麻煩﹗亦都唔好覺得可能有人報咗警，真係嘗試吓報警，呢啲嘢無得搏架，咁就可以確保最快有人可以幫到司機，唔好錯過最佳救援時間。」