馬路如虎口，任何時候都要提高警惕，否則隨時出事。阮德鏘突然上載身處救護車照片，指一家三口遇上車禍被欄腰猛撞：「好在反應快，否則一家三口RIP 咗。」

近年主力在粵劇界及電台發展的阮德鏘，與同為DJ的太太林司敏結婚後誕下女兒阮婧恆，隨住女兒升小學抽更多時間陪伴。1月10日一家三口出門竟遇上橫禍，阮德鏘上載身處救護車照片指「繼烈火雄心2後首次踏足救護車」，令朋友們相當擔心。

阮德鏘憶述事發經過：「話說個女想食麥當勞，於是諗住去九龍城買，點知到聯合道侯皇廟對開，被一架左線私家車懷疑突然掉頭欄腰猛撞，被佢撞咗我架富豪去對面線。好在反應快，否則一家三口RIP 咗，還幸一家三口仲健在。。小弟肌肉撕裂，鼠太太照緊X光，灰鼠B只係受到驚嚇，面部輕微撞傷未傷及骨。感激太太撞車的一剎那死欖實灰鼠B（食哂D力），感恩上天又一次眷顧。」更暗指日前江若琳車禍後「揚名」笑言：「未能憑一己之力，有個道路名命。。。例如係。。xxx灣（尖沙咀😜）等等。」