張敬軒大爆曾被富豪問價　公開一對一價錢：10萬蚊可以瞓一晚

張敬軒（軒仔）近年積極在世界各地舉行巡迴演唱會，更掀起搶票熱潮，可謂一票難求。最近有歌迷在小红書分享日前軒仔現身香港歌迷會的辦公室與粉絲互動，期間更分享自己一直有一個想法，就是開班教唱歌，他說：「其實每一個人唱歌個水平都唔同，所以好難一次過教，如果開班一對一你覺得應該收幾多錢？」當時有歌迷回答軒仔：「收10萬蚊。」軒仔放聲大笑表示：「10萬蚊可以瞓一晚。」

之後軒仔又解釋：「我都未講完10萬蚊係可以你去一間好靚嘅酒店瞓一晚。」有歌迷反問那張敬軒會否在場參與，他回應：「你播我嘅歌我咪喺度囉。」軒仔突然又分享：「我都唔怕同大家講其實富豪問價。」他續指問價的內情，並表示：「有經濟實力嘅企業家好想唱歌，好想喺企業周年會嗰度唱隻歌，可唔可以一對一咁教學？我都唔夠膽，因為自己仲摸索緊，唱得唔夠好，我都仲有好多對於歌曲運用嘅技巧可以解決。