資深演員曾偉明和吳浣儀今日（13/1）現身九龍灣出席Viu TV新劇集《老是常出現》宣傳造勢活動。吳浣儀接受《香港01》訪問時表示：「我哋兩個識咗成三十幾年，以前我哋成日合作，而且經常做夫妻，佢算係我御用老公。」曾偉明表示認同：「我哋喺亞視嘅時候，合作真為多，我哋可以話係『熒幕夫妻』咁。今次我哋又碰頭一齊演戲真係好好玩，同埋喺劇入面當中有幾個演員我哋都相識咗幾廿年，能夠再聚埋一齊拍戲真係好難得。」

講到在ViuTV拍劇開工時間，吳浣儀讚不絕口：「佢哋啲嘢好新穎，可以話係佢哋先夠膽拍，傳統嗰啲大台係唔會夠膽用呢啲題材囉。我哋做咗咁耐演員，佢哋俾到我哋就係呢種感覺囉。同埋拍法似電影咁拍，時間上係拍得好舒服。」曾偉明接著說：「拍起上嚟，時間上係好舒服，如果以我哋咁嘅年紀仲喺無綫拍戲，我哋係捱唔到，因為要捱夜。相反呢度就好少拍夜戲，所以我哋成班人係拍得好開心。」