長者經常成為騙徒目標，一個不小心就隨時被騙走辛苦成世儲落的養老金。李司棋雖然已經74歲，但就非常精靈，近年在IG十分活躍的她，昨日（15日）就分享智退騙徒的經過！

有騙徒WhatsApp司棋姐，訛稱不小心過數過錯$2,000給她，附上一張疑是過數截圖，表示：「真係過了，可吾（唔）可以過反（返）比（俾）我先，屋企人要比手術費。佢糖尿上眼，吾即刻做手術，即刻會盲！」司棋姐識破騙徒，連番表示冇收到過$2,000，更謂：「即係有呢$2000就唔使盲？名副其實見錢開眼喎！糖尿好長手尾，真係會上眼，叫你位親戚戒口啦」

騙徒不停催她過數，指要做手術的是自己母親，司棋姐立即以代表作《溏心風暴》的道理天后「荷媽」上身，問他：「係喎，你母親知唔知你做啲咁嘅嘢？」接著說：「我意思係過錯數。不過做個手術先$2000都幾抵，佢都可以唔戒口，有咩事咪做多次手術囉。」最後，司棋姐甚至錄音，用荷媽的經典對白，兼且戲精上身向對方說：「我睇人睇咗幾十年喇，邊個係人，邊個係鬼，我睇得出！想呃我？我呃大㗎！」一向就將騙徒KO！