43歲的黃翠如去年11月宣布懷孕，雖然個肚籮咁大，但仍未改她好動性格，繼續四圍去，早前便探訪好姊妹連詩雅及梁諾妍，為準備做媽媽取經，而且黃翠如大住肚都繼續拍片，近日便分享自己的孕婦飲食，網民發現她除了喪食Pizza外，仲用可可粉溝燕麥食，由於當中含有咖啡因，對孕婦身體始終不太好，網民紛紛勸她要戒口，注意飲食。

黃翠如曾經有過不快經歷，所以老公蕭正楠今次已經相當小心，粗重嘢、利器全部不准翠如接觸，又準備定「走佬袋」，包保穩陣安全。不過阿蕭萬分小心，也要翠如配合，繼上次拍開箱片亂聞「麝香香水」後，今次翠如再拍片講自己懷孕後的飲食，竟然是喪食Pizza，非常油膩而欠缺營養，而她的早餐更是驚人，除了水煮蛋外，又會吃燕麥片，不過她又手多多加入了可可粉，由於當中含有咖啡因，孕婦最好也是少吃為妙，翠如拍親片都令粉絲擔心，還是乖乖地休養安胎，將來生個肥肥白白的BB。