《萬千星輝頒獎典禮2024》今年向TVB體育組獲頒「專業精神獎」，由「體育教父」李漢源率領一眾新舊體育主持林嘉華、韓毓霞、鍾志光等一齊上台領獎。

1980年林嘉華擔任第一代《體育世界》節目主持，他分享當年做節目的趣事，他說：「最難忘係結婚嗰日，我結婚嗰日係星期日，我同監製講我結婚喎，佢話『恭喜你喎嘉華，不過節目嚟講冇主持係唔得，咁錄影啦！』我哋做咗唯一一次錄影嘅體育世界。」

嘉華續指結婚兩日後，沒有跟太太度蜜月，而是跟體育組同事去澳門，他帶點激動說：「我竟然係同體育組班人去澳門一齊度蜜月，而我新婚太太係冇去。係兩日咋，大家覺得係咪有少少嗱住嗱住。」再一個月後「體育組」又跟嘉華度密月，他說：「仍然都係去度蜜月，我老婆都冇份，跟住去咗哈爾賓拍呢個冰上運動。」韓毓霞見現場氣氛尷尬，於是打圓場：「唔緊要啦嘉華，依家你太太永遠都跟住你寸步不離，依家仲喺後台呀。」嘉華補充多謝TVB、體育組及大家支持，之後交由近年體育主持一哥鍾志光感謝過去為體育組付出的台前幕後。