ViuTV綜藝節目《足球女將》即將播出，昨日（26/01）當中的多位成員出席宣傳活動。節目特色為一眾美少女都來自不少運動界別，亦有不少網紅、藝員等參加，而她們都是清一色地，要從零開始學習足球。黃可盈和楊浩兒（Manchester）接受《香港01》訪問時，黃可盈就表示平時有做gym習慣，但講到耐力就實在欠奉，而楊浩兒就表示為了節目去游水訓練體能，但實際落場就感覺只屬一般。

講到節目，黃可盈就以「中二病」形容，說：「成班女仔為個目標去努力，成件事好熱血！成件事好中二病。」參加比賽有什麼辛酸事？黃可盈回答：「我哋要習慣朝早六點幾到球場，一開始好唔習慣，因為我係好夜瞓嘅人，成日都唔夠瞓，有一次我瞓咗個幾鐘就要去球場。我唔介意瞓得少，但係我好驚瞓得少嘅情況之下去練波會受傷。」楊浩兒就表示，因為住澳門的關係，所以每次經常都要兩邊走，有時更要坐4，5點船到港再趕到拍攝。