《BigBoys歷險記》太膠腰斬　龍哥片段全剪？　阿Bob：覺得好震憾

《BigBoys歷險記》令龍哥一夜成名，其獨特兼帶有freestyle的超度方式，「多謝各位」「乾坤一開」等口訣已經成為潮語，更被不少網民惡搞，正當大家好期待週日（6日）再看龍哥表演之際，網絡作家方以文就在facebook爆料，《BigBoys歷險記》將會由四集變為兩集，即係週日為最後一集，更令人失望的是，龍哥所有餘下「戲份」將被cut走，大家再無機會看到龍哥諗「乾坤一開」「三七氣流一轉」，令原本精彩的週日變得乏味，好彩還有社區盾看到阿仙奴對車路士。

對於節目及龍哥被cut戲一事，無綫企業傳訊部暫時未有回覆，但主持之一的Bob，就話聽到消息好突然，他說：「邊到聽返嚟，我完全冇收到呢個風，因為今次我撞啱嗰期唔得，所以只能拍到第一集尾段嗰少少，呢個消息都好突然，其實拍攝呢類科學解釋唔到嘅節目，都會出現好多意見，老土嗰句都係，信你就會覺得好神奇，唔信就可能當娛樂節目咁睇囉，我識咗龍哥一段時間，當時我喺現場，我覺得好震憾，我哋係用認真態度去睇呢件事....其實睇你點睇啦，有人覺得神奇，亦有人覺得神怪，亦有人覺得係攪笑，但我識咗佢好耐，佢其實幫咗好多人。」都係嗰句啦，信唔信都係悉隨尊便。