林盛斌16歲大女帶男友見家長 阿Bob睇過滿意:好過17歲時候嘅我
撰文:林迅景
出版:更新:
林盛斌(阿Bob)有三女一子,如今大女林霏兒已經婷婷玉立的16歲美人兒。日前農曆新年假期期間,林盛斌(阿Bob)就於Instagram上發文,寫道:「我個女話今晚帶佢男朋友嚟見我。請問有啲咩我要注意?」
帖文一出引起不少圈中好友留言,湯洛雯笑言:「入廚房收埋啲刀先」,胡定欣就好奇問道:「見完?覺得點?」江嘉敏則說:「笑,保持微笑。」
《香港01》翌日向林盛斌(阿Bob)查詢後續,這位「準未來外父」就表示「會見」情況無風無浪。再深入了解後,林盛斌(阿Bob)還表示對這位寶貝女的男朋友頗為滿意。他回覆:「(個男仔)都幾高大,幾靚仔,幾有禮貌,唔錯唔錯。」表現如何?他說:「正正經經,正正常常,有紋有路,唔係古靈精怪嗰啲,已經好好㗎啦。」有沒有留難他?他回答:「咁我又絕對唔會做嗰啲尷尬嘢嘅,都係正常溝通,正常社交嗰啲囉,都有傾吓偈,了解吓佢背景咁嘅。」
問到這位「寶貝女的男朋友」帶了什麼去「見家長」時,他又回答:「帶咗啲佢媽咪自己整嘅XO醬同埋果醬,仲有一啲小食,包裝得靚靚咁。」真的相當有心意。又問道,Bob太對於他的評語,他就說:「唔止佢,尋晚我仲有我啲朋友喺度嘅,大家都覺得呢個男仔好乖,好大方得體,唔錯嘅。」最後林盛斌(阿Bob)又坦言這位男生比起當年的自己更優秀:「正正路路咁囉,肯定好過16、17歲時候嘅嗰個我,哈哈!」