洪嘉豪自封「藍田柏迪」 為903賀歲波練波抽筋收場
撰文:鄺鈺瑩
出版:更新:
洪嘉豪、阿正今日(4日)出席手機品牌活動,阿正賣口乖指新年第一個job就係與偶像實力派Kaho一齊,Kaho被指與韓星崔昌珉撞樣網,他笑言:「嗰個人幾靚仔,但我又唔覺佢好似我,我諗啲相好耐之前,回想返自己同佢差不多歲數時⋯⋯係好大段距離。」Kaho表示想走才華路線,又預告3月將推出新歌,定必會有驚喜。
提到明日舉行「903賀歲波」,Kaho自封「藍田柏迪」,又訪露屆時有不少職業球員落場。「我希望可以贏,無理由足球隊第一場就輸,每個星期六都有練,但新年有啲怠慢,教練唔係踢賀歲波就係春茗,早幾日有練咗3個鐘,結果我幾年無抽筋,我抽筋。」
生日在快嘅阿正,新年加生日願望係脫單同輕鬆賺錢,但當她講到「冬天易有桃花」時,Kaho即溫提「冬天就嚟完」,不過阿正表示會聽師傅指點,去凍啲嘅地方旅行,又話要「操好身體」,事關去年4月去荷蘭時都凍病。