鄧月平今日（11/2）現身香港電台電視大廈出席港台電視31《中華知識王》 名人賽錄影。鄧月平接受《香港01》訪問，提起早前接拍內地劇慘被走數6位數字大感無奈：「之前係未簽實合約情況下就走咗去開工先，到後期投資方就走咗佬，成個項目咁就冇咗，其實對我嚟講都幾唔開心，因為我為咗呢套劇嘅角色，自己同武師朋友練咗一排舞刀嘅功夫。始終作為演員知道有呢個項目喺度嘅時候，成個人嘅身心都準備開機，唯有之後再睇吓有冇轉機。」

問到會否覺得浪費心機？鄧月平表示：「學朋友話齋，呢啲嘢學完都會有用，可能日後大家會見到我喺台慶耍花式菜刀。（再鋒利嘅刀，都有生鏽嘅一日！）哈哈，生鏽唯有再磨一磨佢囉。」