汪明荃話「熱咖啡look」隨時再現　汪阿姐：大家鍾意就著

汪明荃今年入行50周年，她將會在8月尾舉行演唱會。日前她與今次演唱會的歌曲監製趙增熹一起上TVB節目《今日VIP》，大講50周年演唱會將會有甚麼搞作。汪阿姐一直都精益求精，所以趙增熹講起同阿姐練歌，要特意去搬自己心愛的鋼琴到對方的排練室，事關阿姐表示：「可能歌手們練歌嘅時間比較多，但我又百足咁多爪。而家我又唔鍾意用MMO去練歌。」可見阿姐日理萬機之餘，凡事都想做到最完美，趙增熹都願意出手配合。

阿姐唱歌唱足50年，所以她都想改變一下套路。她就跟趙增熹學唱歌，還講到研究了新唱腔。「喺佢（趙增熹）度學，學得好開心。有陣時我覺得自己咬字咬得好正，佢就教我有啲音唱得歪啲。雖然有啲歌係經典，都根本冇得變，但有啲歌都會因為歷練，唱法都會有啲唔同。」其後汪阿姐說即席哼幾句《萬水千山總是情》，「DA LA DA DI DA LA DI DA…」可能未有配樂，所以聽落好像沒有分別，可能到時演唱會的新唱法會讓大家眼前一亮呢。除此之外，汪阿姐都發覺得50年過去，有些歌當年定得太高，練歌、編曲時就要降Key，不過點都好，一定有大把人聽嘅。

50年來，不單阿姐的唱功是重點，魚網絲襪更是她的標記。問到會否在演唱會以這個look重現，阿姐笑言不知道，但如果有都會著。不過後來講到阿姐並不特別喜歡「魚網絲襪look」：「其實當時設計咗，冇話特別鍾意。後來反應好好，見大家都鍾意嘅話，就著喇。」可能今次演唱會都有機會重現！不過69歲的阿姐，仍然有勇氣著魚網絲襪，真係好難得！畀啲掌聲阿姐！