相差10年都OK喎 19歲原島大地新戲咀29歲湯怡

撰文:
最後更新日期:

時間真係過得好快!!原島大地今年已經19歲喇!(溫菁莉攝)

「我會乖㗎嘞,唔好唔要我!」鍾意睇電影的人應該都知呢句對白係出自2003年電影《忘不了》中,飾演張栢芝仔仔原島大地嘅口中,當年真係睇到眼濕濕。話咁快,當年只有5歲剪咗超得意冬菇頭嘅原島大地今年已經19歲喇(我想喊!!),今次回港拍攝電影《日月星》孖住湯怡做情侶,仲要獻出銀幕初吻,咁另一半會唔會呷醋?原島大地就好怕羞咁話,「依家仲未有另一半,以學業為重先。」

原島大地拍攝電影《忘不了》時只得5歲,飾演張栢芝的兒子,當年十分搶鏡。

原島大地明年4月就會返日本升大學,「會讀國際關係學,都未決定之後會不會繼續做演員。今次是趁暑假,返嚟拍下。」都係嘅,讀完果科都未必會做返果行喇。講返佢首次拍攝接吻戲,問到他事前會不會食香口膠同刷牙,原島大地笑言,「當然要喇,自己都好緊張,但拍戲就無辦法喇。」飾演他女朋友的湯怡就表示估不到自己還可以做學生,「其實我都唔細,但原來仲呃得下人。」今次湯怡將奪去原島大地的銀幕初吻,她笑言,「工作人員係咁叫我封利市俾佢,但我決定請他食飯算數。(男友知不知道?)知道呀,佢聽完都無咩反應。」我估可能嬲咗你唔知啫!

 

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。