美棋BB同香港電視完約兩年 正式宣佈加入無綫:咩都嘗試下!

撰文:
最後更新日期:

有好多觀眾都話TVB睇嚟睇去都係嗰班花旦,好悶!唔通一班高層都係咁諗?因為有指人稱美棋BB嘅黃美棋都會返TVB!黃美棋2011年大學畢業前後曾短暫重返TVB,翌年美棋BB就轉投HKTV,更成為HKTV藝員訓練班第一期嘅學生之後當然順理成章做埋旗下女藝員喇,可惜其後HKTV未能加入免費電視行列,美棋BB嘅女藝員合約亦於2015年約滿。日前黃美棋亦在Big Big Channel直播中正式宣佈加入TVB,「其實對上一次返TVB已經係10年前,有好多回憶,感覺好熟悉到但又陌生!」

美棋BB日前在Big Big Channel直播中正式宣佈加入TVB。

+4
+3
+2

美棋BB與男友鍾健威不時透過社交網站放閃。

美棋BB在直播中就被問到今次返TVB係咪拍劇?但她就大賣關子,「當然我希望可以乜都嘗試下,我自己本身都好鍾意拍劇。好想同好多演員合作!」其實美棋BB 細嗰做童星嘅時候真係有好多代表作例如有《封神榜》《我和殭屍有個約會II》《行運一條龍》等,劇集同電影都唔難揾到佢嘅蹤影,仲試過被星爺及梅姐抱住影相,真係幾威㗎!黃美棋其後亦到美國留學,仲係柏克萊加州大學經濟系畢業,學歷真係同一班TVB花旦有得揮。其實佢2012轉投到HKTV後,都出演過幾部劇集做埋女主角,而近期她亦為ViuTV拍攝節目做主持。美棋BB雖然好似無咩代表作,但其感情生活真係幾高調,去年情人節她就在FACEBOOK公開與鍾健威嘅戀情,感情相當穩定嘅佢地不時透過社交網站瘋狂放閃,更曾傳出婚訊,昨日更一同飛往美國慶祝女友生日,真係sweet到爆!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。