孫慧雪上月誕下8磅10安士重巨型BB Riley，話咁快已經滿月，Riley亦快高長大增至12磅喇！脹卜卜的面珠十足電影《波士BB》。

孫慧雪去年12月23日與羅天彥舉行婚禮，上月28日誕下B仔Riley，分娩之前阿雪個肚已經超大，令到本來打算順產嘅佢唯有接受醫生意見開刀分娩，果然BB份量十足，食量亦好勁！

阿雪堅持餵人奶，開頭好痛，佢話：「辛苦過拍劇！」不過BB今日已經滿月，阿雪亦習慣咗湊仔；今日阿雪po了Riley新相畀大家睇，Riley穿了白色裇衫及煲呔，神情充滿霸氣地望實鏡頭，睇落真係好似電影《波士BB》個主角BB，連阿雪都留言話：「BB boss滿月喎！梗係要坐返張大班椅」。

眼利嘅網友就留意到Riley好多頭髮，稱他「頭髮王子」、「頭髮好濃密」、「好man」，將來一定係大Boss啦！