【有片】陳貝兒講離婚好沉重 強忍淚水：都冇人冇物，離咗婚囉！
撰文：郭敏玲
出版：更新：
陳貝兒仍在傳媒面前強顏歡笑。（郭敏玲攝）
早前傳出離婚消息的陳貝兒，今日出席TVB節目《嫁到這個世界邊端》記者會，會上隨即播放預告片，當播到她在節目感觸落淚一幕，鼓勵大家都要勇敢追愛時，台下的陳貝兒面色難免沉重。她後來在台上介紹節目時，兩度提起自己離婚：「個節目咁開心，大家見到我都以為講緊離婚喇。」，以及講到有受訪者不欲上鏡，如播出街會全家追斬她，陳貝兒都說：「都冇咩嘢呀，都冇人冇物，離咗婚囉。」雖然自抽，可是陳貝兒還是想起與前夫的回憶，中途都要躲在一角偷泣。
當講完離婚的消息後，陳貝兒忍不住躲到一旁平伏心情。（郭敏玲攝）
據知陳貝兒與前夫自上年開始感情出現問題，雙方經過溝通、挽留之下，最終還是決定離婚，現正辦理手續。陳貝兒接受訪問回應節目感觸落淚的情景，當時心情百感交雜，一方面為受訪者開心，另一方面也感慨：「我覺得人生就係咁嘅，有時開心啲，有時唔開心都唔緊要嘅，最緊要係向前行，有勇氣去相信去繼續行。」陳貝兒表示已接受離婚的事實，並且會努力面對及放下，不過她難免還有感傷：「始終呢一段係好深刻嘅感情，結婚都冇人想會離婚，都會有啲感觸。」
陳貝兒提起家人，再次感觸落淚。（郭敏玲攝）
至於為何走到離婚這一步，陳貝兒說：「兩個人嘅事好難一時三刻同外人講清楚，兩個人明白就夠，大家都好理性作出呢個決定，目前都係朋友，用緊另一個方式去相處。」雙方家人都知道離婚的事實，而陳貝兒講起家人時，忍不住再次落淚，她說：「好對唔住屋企人，發生呢啲事，仲要老人家去擔心，真係好對唔住。」
+5