【任噏亂評.同盟】胡定欣打得勁不及色誘吸睛 鹽花浪費演員努力

撰文:
最後更新日期:

去年一套《城寨英雄》大獲好評,令原班人馬上陣嘅《同盟》被受期待。劇集播出近三分之二,幾乎每集都有賣點,鮑起靜演技出眾,演員打得落力明顯有下功夫,但網上不乏對此劇失望之評語,亦為視后胡定欣感到不值,到底《同盟》問題出在何處呢?

歐瑞偉被封「香港007」,係型嘅。(影片截圖)

問到身邊朋友,對《同盟》一劇有甚麼印象,得到的答案包括:胡定欣扮母狗叫、姚子羚好性感、定欣煎Pan鴛鴦浴……筆者有追睇呢套戲,平心而論各演員都非常盡力,55歲歐瑞偉洗脫KC形象打到飛起,被封「香港007」;68歲郭鋒3個打8個寶刀未老;影后級鮑起靜好戲就無容置疑啦﹗

年輕一輩做得未到位嗎?姚子羚首次以打女形象示人,車內一打四動作俐落,令人眼前一亮;胡定欣陳展鵬比《城寨英雄》打得更出色,巴西柔術、MMA樣樣出齊,定欣甚至連失傳已久嘅「奪命較剪腳」都出埋。其實外國一樣經常有性感女星打得起勁,好似《復仇者聯盟》中黑寡婦般,一樣好性感一樣會有色誘情節,觀眾通常讚嘆身型靚、打得出色,點解《同盟》又會令演員付出與收獲有落差呢?

胡定欣呢次真係打得好精彩。(影片截圖)

成套劇最大問題可能在於劇本及對白上。例如胡定欣陳展鵬被捉住,為求脫身胡定欣居然腿張開,呢個畫面再配合她說:「你想點都得啦!」但下一幕就係佢一個翻身,三扒兩撥將敵人全部打低,咁,腿張開嘅意義何在?還有那堆連環色誘陳展鵬的場面,真係做到睇都覺得好尷尬。

胡定欣又添兩張潛力圖啦,唉……

究竟高峰時期,一套戲可以出幾多次色誘招式呢?

呢一幕唔止鄭子誠嚇到噴水,電視前觀眾都應該噴飯。(影片截圖)

又,姚子羚被綁上七人車,身穿連身短裙以一敵四,係打得好睇,但身為女觀眾真係每一個動作都擔心ELAINE會走光(男觀眾點諗就唔知啦…)仲有派張秀文去色誘鄭子誠,得罪講句色誘都唔使不停叫佢向前俯身將心口放上檯面,長期影住事業線,除左灑盬花吸(男)觀眾,呢幾幕,其實真係可以CUT。

TVB要進步要創新,無問題嘅,參考外國劇要女演員著得性感啲,但打到拳拳到肉,都好睇嘅,但真係唔使集集都色誘囉,睇得多都會悶都會滯架……而一班演員打得咁辛苦,到頭來觀眾只記得佢地幾咁性感同有無走光,好想講句,麻煩配套得好啲,劇情好啲啲,對白好啲啲,唔好辜負一班好演員啦。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。