電影《西謊極落》於銅鑼灣鬧市舉行宣傳活動，一眾演員周柏豪、連詩雅、雨僑、鄭欣宜、張繼聰、周祉君現身，令本身已水洩不通嘅銅鑼灣更為熱鬧。眾人於台上發言時，林敏驄不停插咀，先係話「周柏豪今日唔方便」、之後又不停笑欣宜同張繼聰，他之後欲把咪高峰交給林盛斌（Bob)發言，卻遭到拒絕。Bob其後介紹戲中角色時，林敏驄在旁搞搞震兼想出手，激到Bob大叫：「你夠膽？呢度銅鑼灣。」說畢林敏驄即一手打落Bob頭上。

戲中的狗狗上台進行簽約儀式時，Bob執咪表示：「林敏驄，望出嚟呀。」未知是否圍觀路人太多，令狗隻受驚在台上便溺，Bob看到此情此景，不禁表示：「林敏驄你麻鬼煩，搞到一地都係。」二人你一言我一語，到Bob做訪問時，林敏驄更不停亂入，搞到Bob要出手推開。

Bob透露自己同林敏驄有唔少對手戲，因為對方是監倉倉長，問他對住林敏驄是否十分勞氣，他即時表示：「大家都係好朋友，你哋唔需要太認真，不過佢淨係對我係咁。我哋識咗好耐，以前電視台都成日見，佢又係前輩。