【果欄下的江湖大嫂】岑麗香睇唔明對白：自己都唔明自己講緊乜

《果欄下的江湖大嫂》開拍如火如荼，在劇中飾演中文老師的岑麗香（香香）在近期更是忙於拍攝。岑麗香接受《香港01》訪問時心情大靚，她說：「套劇始終係喜劇，我哋已經投入咗個傻傻地嘅心情，咁樣又好愉快喎。」不過話曬係外國長大，中文對她還是有一定難度。香香說：「睇稿嘅時候有難度，都需要翻譯嘅。不過(尤其是)今次角色我係一個(中文)老師，所以有好多特別蹺口嘅對白要講，要慢慢嚟。仲有啲(對白)連自己都唔明自己講緊乜嘢。有一句呢，我覺得好難，由開拍7月嘅時候背到依家。」

香香在訪問中即席用半咸淡廣東話朗讀：「離(利)人不離(利)己，就是聖人。離(利)人離(利)己，就是好人。不離(利)己...吖，不離(利)人...離(利)人不離(利)己，就是...等等先。(身旁的經理人提示：利己不利人)嗱，你睇下我，哈哈哈。我再嚟過。」然後，香香再試了一次：「利人不利己，就是聖人。利人利己，就是好人。損人利己，就是壞人。損人不利己，就是蠢人。損人利己到好似你咁衰，簡直不是人。」其後香香也說：「到拍嘅時候應該得㗎啦。呢一場係未拍嘅，所以我已經透露咗劇情。」
 

近期大家討論最多，就是新任香港小姐。不過香香似乎就忙碌於工作中：「嗰晚我係開緊工，我記得我放break嘅時候有睇一睇，有見到馮盈盈出場嗰下囉。(知唔知邊個冠亞季軍?)我有留意到，我可以返去mytv睇。不過我相信我哋大家喺公司都會見面㗎啦。」

而問到香香覺得香港小姐有咩基需求？ 香香表示：「 其實我都未必夠資格答呢個問題。只不過我相信，一個可以代表到一個地方嘅人，我就相信佢個personality 要show到嗰個地方嘅好，呢個係我唯一嘅希望。因為佢會去其他國家代表香港，我諗佢個責任係show到香港係咩地方，有咩特色，咁佢能夠做到呢啲嘢呢，咁就最好啦。」(如果唔識廣東話呢?) 「如果唔識廣東話我相信佢都好努力去學。我自己唔係香港小姐，所以我唔講得太多，不過既然選咗，就唔好look-back，要look-forward啲點樣做到一個好代表。」岑麗香答問題真係答得好得體。