李亞男昨晚以性感晚裝出席上海恒隆廣場「Home To Luxury」華麗盛典，並擔任活動主持，席中「超美主持人」李亞男，以流利英語與多位國際名人談談，被盛讚甚具語言天份，當中包括：美國頂級時尚攝影師David LaChapelle、紐約米芝蓮星級主廚Mr. Michael White、全球著名朱古力大師Mr. PIERRE MARCOLINI、世界頂級時尚街拍攝影師Tommy Ton等進行交談、又以上海話及普通話與國際超模奚夢瑤、台灣藝人楊佑寧等等。

當被問及為何穿得如此性感，有否事先通知丈夫王祖藍時，李亞男笑謂：「我老公睇咗啲相之後，講笑話會休咗我，因為我背住佢著得咁性感，不過係講笑嘅啫，佢覺得係幾靚嘅。」之於身穿如此盛裝，問到她會否「步步驚心」時，她指：「 有呀，因為有啲位如果唔挺胸嘅話會走光，我喺現場都有好多工作人員幫我睇實，佢哋真係好好，好幫到我，令到成件事睇出嚟更GRAND。」李亞男又表示，整晚最難忘的地方，是可以近距離一睹美國歌手ALICIA KEYS的風采：「我一直都好鍾意佢嘅歌，第一次現場聽佢唱歌真係好興奮，我自己喺台下面STAND BY準備出場嗰陣，都有不斷忍唔住口郁郁咁跟住佢唱。」