明星撞衫事件近年好似經常發生，而大部分都在女明星身上發生，點解好似咁容易就搞到咁，皆因好多品牌現時都會免費sponsor，絕少部分明星真係會用真金白銀去置裝。以潮人自居嘅wyman黃偉文著衫有幾潮就唔洗多講，他日前在雜誌專欄亦寫下，自己見證近20年明星「借衫」嘅趣聞。

Wyman 特別講到貴為影后嘅吳君如當年剛從訓練班踏入娛樂圈，收入並不多，買一件又要有牌子兼靚衫往往動輒不少錢，每次出活動就買一件衫絕不是一個划算嘅決定，於是與一班好姊妹劉嘉玲，曾華倩及戚美珍輪流share，著來自日本設計師山本寛齋Kansai Yamamoto設計同一件嘅衫。原來當年劉嘉玲為出席開鏡儀式而去買衫，之後就借吳君如著上《歡樂今宵》後，再之後就俾曾華倩去做剪綵，如果件衫仲見得下人仲會借埋俾戚美珍去出埠登台！相信她們應該萬萬都無想過，20年後居然是名牌主動找她們穿，更不用花錢去買下來。Wyman笑言當年嘅媒體只有幾間，點計都唔會有咁眼利嘅讀者發現到。其後她亦指出現在不少名牌嘅PR的心態都認為，與其求一班時裝版嘅記者同編輯，不如讓名人紅星著吓，相反有意想不到的宣傳效果！

Wyman在專欄提到現在有好多名牌在近10年，已不需再用真金白銀去買，因為不少名牌都會好似cold call咁叫藝人去著佢地嘅衫。其實現時記者有時候都要幫藝人借衫做專訪，要品牌免費sponsor你不再只落credit就成事，而是對方亦要睇下你幫邊位藝人才會借給你，所以話呢其實服裝對於現時嘅藝人仍是最無得慳嘅投資。Wyman 2012年時舉行以填詞人身份開辦個人演唱會《Concert YY》，邀請了不少當紅歌手，包括容祖兒、鄭秀文、陳慧琳、何韻詩、黃耀明、薛凱琪等人上台助陣，最令人驚喜的必定是他幫所有歌手找來所有服裝、配飾、鞋履及珠寶，觀眾除了聽到靚聲仲有靚衫睇，名符其實嘅「時裝騷」!在演唱會上講過自己不想這個世界各個都一樣，人是有好多種有同你不一樣的人，時裝亦能間接講出他的人生態度，

好多時候，我其實不是因為靚，而穿一件衣服。 好多時候，我更加不是為了令其他人覺得靚，而穿一件衣服，甚至好多時候，我穿一件衣服，是為了令你們覺得不靚的，我就是喜歡做爭議性的角色。 －－Wyman《Concert YY》