【老表，畢業喇】網民開post話熄電視罷睇！有人踩都好過無人講

無綫台慶劇之一的《老表，畢業喇》就快開播，呢套劇的卡士陣容都幾大堆頭，由郭晉安、蔡少芬同王祖藍領銜主演、其他演出的名單仲包括了張繼聰、林欣彤、鄭欣宜、BabyJohn、蔣志光、林盛斌、岑麗香、胡楓、羅蘭以及呂慧儀等，是繼《老表，你好嘢！》和《老表，你好hea！》後，第三套的「老表」系列劇集，所以大家都簡稱這套劇做老表3。

今集故事內容跟前兩集並沒有關係，今集是探討香港的教育制度、師生的壓力、家長的無奈、對現實的批判和對社會的控訴。題材似乎好貼地，好切合香港現今的教育狀況，亦都是好多人會關心的問題，相信好易讓人產生共鳴。

不過網民就唔多buy喇，劇集都未出街就已經在討論區開post討論，而內容九成都是踩踩踩，只有少數的網民話期待同埋會睇。網民批評得最多的就是話老表系列得老表1好睇，老表2已經好爛，唔明為什麼還要推出老表3，話到時會熄電視罷睇。又有網民話近年已長駐內地發展的王祖藍，好可能已經同香港脫節，有份為這套劇構思故事的他，未必明白和了解現時香港的情況，驚會離晒地。

仲有網民話祖藍依家賺人仔，唔會敢影射內地人，例如水貨客，「咁你估下佢夠唔夠膽講國教, 小學TSA, 大學海外學生有7成係內地人, 大陸學生投訴香港講師用廣東話講課、TSA鬧到滿城風雨嗰時唔得掂去日本旅行唔上立法會解畫, 或者高官子女絶大多數去歐美讀書?」咦，網民又分析得幾詳細喎。

雖然網民普遍係踩多，但都有一些網民話好想睇蔡少芬 (Ada)，因為Ada已經很久沒有拍過無綫劇，甚至有些人以為Ada已經離巢，全力北上發展。其實Ada拍完這套劇先正式離開TVB，所以呢套可以話係Ada告別TVB之作，她已經還清劇債，睇完呢套之後就唔知幾時可以再睇到Ada拍新的無綫劇喇。不過亦有網民話睇完宣傳片同預告，覺得Ada在這套劇裡真的老了又殘了，最靚女始終是她n年前飾演的「Dianna」。