台灣組合蘇打綠今年1月就對外宣佈將會休團三年，以好好準備拓展海外市場。雖然樂迷心掛掛，但幸好成員不時都會透過facebook分享近況。主唱青峰日前發文表示到成員家凱屋企寄宿，對方兒子Edward每示願意每晚都同佢一齊訓，可惜Edward連續幾晚都聽故事聽到一半就入睡，結果起床後，先係去怪責爸爸家凱，繼而係默默落淚，青峰為安慰小朋友，於是提議「那我們現在進去再睡一下，好不好」，卻得到對方含淚深情回應：「我不要這樣睡一下下，我要跟你一起睡著，一起迎接早上。」非常爆笑。

到底係「家凱故事太長太悶」定係「Edward係天生浪漫主意者」？大概係Edward太愛青峰，愛到甚而話長大後要同青峰結婚，就連最愛嘅Elsa公主都願意放棄。「我只是現在偶爾跟她玩玩，我長大要選你，會跟你結婚。」5歲小朋友咁識得講嘢，青峰就話自己無教過。

其實Edward出生後，青峰不時都會幫忙照顧，所以經常都會上演「偽親生父子之日常」，見到自己個仔同青峰咁close又咁friend，家凱都忍唔住提議佢哋一齊去拍《爸爸去哪兒》，更表示自己會「好好的」。