謝安琪被網上欺凌　張繼聰開名鬧網友：希望俾機會呢位朋友感覺吓

早前有報道拍得謝安琪（Kay）行街，身形明顯漲了不少，不過就有網民拿着這個post來攻擊阿Kay，話出街完全唔認得佢，因為唔同晒樣，仲話整容係有期限，限期到咗就會醜過未整容之前，肥到咁就唔好再復出喎。還有其他網民指Kay未整容前根本就是醜女一名，話埋佢老公張繼聰都係有整容，嘩！看來呢班網民都好憎佢兩公婆喎。

自己被人話，雖然條氣唔順，不過都可以忍。但自己老婆被人話，就點都唔忍得！張繼聰剛剛就在自己的Facebook上將呢番攻擊的言論作出一些點評，他指雖然香港有言論自由，不過就未必每位朋友都有尊重別人嘅修養，認為自己老婆為了生BB，覺得這個行為已經唔係可以用靚同唔靚去界定，甘願放棄工作係十分偉大。仲話女士們生完BB，根本唔需要介意身形，因為最緊要係調理身體，身形遲早都會返嚟，在他心目中Kay已經最靚。

不過有網民就話，雖然理解張繼聰的心情，但如果再有下次就應該將發言者嘅樣同名打格仔，無謂多生事端。不過阿聰都不是省油的燈，他認為應該俾發言者一個教訓，他說：「我今次係決定唔遮佢嘅名，我唔係想佢受到網上欺凌，因為我好明白俾人欺凌嘅感受，佢比人話我個心都唔舒服，不過我希望俾機會依位朋友一個機會感覺吓，希望佢下次留言會有另一種選擇。」又可以教化人，又可以幫自己老婆出氣，阿聰今次雙win呀！

佢哋一家人成日曬恩愛