陳冠希10年前用老竇俾250萬港元創立自家品牌CLOT，一直備受潮人追捧，分店遍佈上海、長沙、北京、成都、台灣等地，而佢亦都曾經提過：「現在我們每年都有1,000萬美元的營業額」日前，陳冠希以CEO身份出席喺紐約舉辦嘅第二屆紐約中美發展論壇。

席上佢除了分享創業經歷之外，亦多次呼籲大家不要標籤「中國製造」這個字眼，並提到自己第一次同NIKE合作時，對方表示從來都唔會為中國公司製造波鞋，但結果係，CLOT已先後6次與NIKE聯名合作。「我所做的事情就是要嘗試中國製造、中國創造，並且所有產品和作品都來自中國視角，當別人問我來自哪裡，我會說我是出生在加拿大的中國人，我是一個中國人。」之後，佢更對在場嘅留學生要記得自己的根在哪裡，充分了解中國文化。「用我們的力量去讓祖國變得更強。」陳冠希呢番「中國製造」言論，即時得到中國網民連聲讚好，更搵返佢以前愛國言論，例如係曾喺ig發表「「I AM A CHINAMAN AND I AM PROUD!!」，以及於《觸手可及》紀錄片中，提到「自己是炎黃子孫，是黃皮膚黑眼睛的中國人」。

其實自從艷照門事件後，陳冠希雖然講過無限期離開娛樂圈，但佢好快就已經北上搵人仔，除登台之外，主要收入來源當然係潮牌事業，每次有新品推出都爭崩頭，再加上佢一次又一次嘅愛國言論，令佢在國內嘅男神地位依然。當問及CLOT是不是賺了很多錢?「我不知道是不是很多，李嘉誠不會覺得自己賺很多錢吧，我覺得還好吧。」之後佢更補充：「我不知道人家覺得我是什麼，如果還有人覺得我簡單是一個藝人，那他們就低估我了。」