如果在內地講出陳偉霆(William)呢嗰名，相信真係全中國的人都識，而且無人會再講「而我不知道陳偉霆是誰」。自從William2014年往內地發展後拍下《古劍奇譚》中大師兄一角走紅，身價簡直係10級跳，由當初的400萬到現時已經過億，成為一線演員！William在微博隨便上載一張相，張張都過萬like，人氣一時無兩。他強項係跳舞就唔洗多講，近日他在微博上載了超快速「手指舞」，短短10幾秒已經成功俘虜一班粉絲的心，仲留言話「帥得炸裂，帥得世界為你恍惚了」，真係好誇張!

William不單止只照顧內地粉絲，他閒時亦會上載最新動向到Facebook，仲好識lum粉絲，中秋節當然身在內地工作的他被一班粉絲圍住，而粉絲們亦好克制，邊行邊影住偶像，期間William仲講句，「中秋節快樂！」立即引起不少粉絲尖叫聲四起，場面同韓星有得揮！講返手指舞，網紅King Jer在Facebook專頁今日亦開post指William的「手指舞」似足物理治療跳肌腱復康舞，其中仲要插播少爺占在2007年於《艾粒 GAGame show 鬆啲！衣池瀨》跳六指舞嘅搞笑片段。但最好笑一定係今日下午時分，少爺占亦在Instagram上上載一段手指舞，當中king jer更以「有多年跳六指舞經驗嘅陀地舞王」稱呼少爺占，見狀亦決定背水一戰，急急投下挑戰狀不少網友都笑爆嘴！大家覺得邊個跳得型啲呢？