自從《爸爸去哪兒5》開播之後，陳小春這對父子備受關注，各位觀眾除咗鍾意睇陳小春鐵硬柔情的大反差外，節目內仲有一對父女惹來大家的憐愛，佢地就係小泡芙與劉畊宏喇！近期有網民翻看小泡芙的舊照片發現，原來她從小已經擁有迷人的電眼同甜心的笑容，簡直一出生就贏在起跑線。

正所謂「我人生得高，個樣令你羨慕」小泡芙就係歌詞形容的呢種人。最近網上流出了一輯小泡芙幼時的照片，見到小泡芙食飯果陣塞滿個嘴，嘟埋嘴仔，用對矇豬眼望住你賣萌。大家見到小泡芙依個咁可愛的樣，邊個都失去抵抗力喇，唔怪得嗯哼大王咁想錫小泡芙呢！其實小泡芙係劉畊宏的第二個孩子，對上有一個哥哥，對下有一個妹妹，但因為她係劉畊宏第一個囡囡，所以從小就對她呵護有家，令劉畊宏變成了一個女兒奴。

不過睇睇下，有網民發現原來嗯哼大王細路都好似小泡芙，皆因嗯哼幼時的膚色較白，而且擁有一個小胖臉，假如二人都躺着在床上的話，真是非常相似，有網民就話小朋友比較喜歡和自己熟識的東西玩，唔通嗯哼大王見到小泡芙之後，有種似曾相識的感覺，所以對她一見鍾情，所以每集節目都要搵機會接近小泡芙？