【亞視永恆】亞視以「OTT」形式重生 袁文傑有保留：競爭好大
撰文：黃梓恒
出版：更新：
亞視停播後，今日又宣布復活，以網絡電視形式經營。（資料圖片）
近日多次傳出亞洲電視即將復活，不過不是以免費電視形式，而是透過「OTT」（Over-The-Top）網絡電視方式跟大家再見面，即是好像無綫myTV SUPER一樣，要買一個機頂盒先可以收看。不過一切都尚在籌備，未有確實時間開始，不過已經有好幾位名人受到邀約。
估唔到咁快重生。（資料圖片）
根據《香港01》的報道，英皇娛樂前行政總裁吳雨大哥將會出任高層，相信是行政總裁，而才子陶傑亦表示受到吳雨邀請主持節目。當然，一間舊公司重新開幕，最好當然是召回舊有員工。袁文傑自從離開亞視後便人氣急升，即使在亞視也是當家小生，陪亞視走到最後，《香港01》找來文傑傾傾關於舊公司重新開幕一事，他說：「我都係睇完報道先知道個大概，之前都聽過啲傳聞嘅，不過都係傳，當然就無搵過我喇。」連最當家那個都無搵，看來亞視想以新血運作喎！
文傑暫時都未受到邀請，而家仲係TVB嘅部頭約員工。（Facebook圖片）
雖然舊公司未有聯絡他，不過文傑對於亞視重新出發都有點看法，他說：「而家市場上面競爭都大，我只可以咁講，所以睇吓最後舊公司會做咩節目出嚟喇，因為幾個收費頻道一人一個盒，競爭都真係大。同埋而家先開始，起步就一定唔係最快，相對地個壓力又大咗，但係叫做多個機構喺呢行開工，整體上嚟講對呢個行業都係好事嚟嘅。」的確，作為一個藝人，有多幾間電視媒體一齊競爭的確是好事，至少不用擔心飯碗，正所謂「東家唔打打西家」，當這個行業百花盛放，無論對員工抑或觀眾也是一個好消息。
兩位亞視舊將袁文傑和江美儀喺無綫都發展得好好。（Facebook圖片）
+5