【老表，畢業喇！】演張繼聰青年版好英氣　陳俊堅捱十年等出頭

陳俊堅(Kinlas)，大家未必會知道他的名字，甚至沒有看過他的演出，因為入了TVB 10年的他，頭六年都是以舞蹈員的身份示人，甚至可以成為助理排舞師。不過他並沒有選舉升職加人工這條路，而是選擇了夢想，參加2013年的無綫藝員訓練班，成為一個演員。

選舉走哪一條路不難，要走下去就需要一種毅力，尤其在TVB做演員，有留意都知道初出道人工實在低得無法令人生活，而且未必有人發現原來你有份演戲。在接受《香港01》訪問的時候，阿堅亦坦承自己多年來一直都是做「二打六」，他說：「其實我係2007年TVB嘅全職dancer，之後 13年就轉左去藝員訓練班。當時排舞師想升職我做TVb 助理排舞師，但最後都選擇左加入藝員訓練班，大多是做跑龍套角色，最為多戲份就是還未出街的tvb劇「三個女人一個因」，是做一個瘋狂fans，有三集主劇情戲。我自己亦都係一間製作公司嘅老闆，主要幫人哋拍廣告為主。」

入行十年，由一個舞蹈員轉為演員，所以事都要重新學過，未必人人有這種勇氣，加上原來跳舞比新做演員搵到更加多錢，而且做了幾年也沒有甚麼出位的角色，會不會因此想重新走回舞蹈員這條路呢？Kinlas說：「無諗過走，因為TVB都幾好，我都當咗呢度喺我屋企，我會等落去，有機會就盡量爭取，不過就唔會話想好紅嗰種心態，都係平常心喇。。如果講生活，啱啱喺藝員訓練班出嚟的確係有啲困難，因為做dancer嗰陣人工都幾好架，有但因為想追夢，所以轉做演員。其實個個啱啱出嚟做演員人工低，得幾千蚊，做dancer嗰陣多成三倍，所以我由高跌落低係有少少唔習慣。而家簽咗新約人紅都算好啲，我自己本身就唔係好介意人工，屋企人都有支持到我，始終跳舞得一個技能，都想自己學多啲嘢。」其實Kinlas現在都只不過是30歲，TVB入面的確有很多捱出頭的例子，堅持到最後未必是贏家，但如果無堅持就永遠都贏不了，繼續跟著夢想跑，即使將來失敗了也算是無悔。