《爸爸去哪兒5》開播以前，大家都以為陳小春是一個大嚴父，全因他早年飾演《古惑仔》的山雞實在深入民心，令大家認為他銀幕下也會嚴格對待兒子，殊不知當第一集小春把囝囝Jasper鬧過怕後，應采兒教訓咗佢一陣，態度改善，當中的大反差令大家睇得津津樂道。

有追開《爸爸去哪兒》的各位都知道，除咗正片之後，節目組仲會推出《帶娃記》記錄一些正片沒有的花絮。仲記唔記得今集任務是找樹上的老爺爺，Jasper同小泡芙行下行下就係途中遇到了路邊爺爺，一向鍾意試新嘢的Jasper見到爺爺有花生就抑制唔住內心的興奮，大叫三聲「吃的」。兩個吃花生的期間，老爺爺就同兩位萌娃傾傾偈，當問到佢地叫咩名時，小泡芙老老實實的回答：「我叫小泡芙！」而Jasper諗咗諗話：「我叫陳浩田！」

網民們見到Jasper無喇喇改名陳浩田，都打晒問號，唔通係陳小春成日重睇《古惑仔》，將老大鄭伊健改咗個花名陳浩田？定係因為陳小春同Jasper講過，面對陌生人要有防備，所以Jasper先作咗個假名？點都好，聽到陳浩田三個字已經笑到大家停唔到口。