佘詩曼再出水著圖　每年派一次軍糧好等睇

佘詩曼的身材一向fit爆，對腳又夠晒靚，她亦好大方經常穿上短裙同大家開心share一雙迷人美腿。而今日她就於ig上載了一張身穿比堅尼的度假靚相，大派福利。阿佘公開曬水着相真係好罕有㗎！相中的她今次選擇了做「影後」，雖然看不到她的正面，不過頭側側輕托香腮回眸一笑的阿佘依然索爆，背影都勁吸引。阿佘的身形線條好緊緻，零脂肪的玉背加上纖腰再加長腳交叉腳企，即刻呈現出誘人的S型，由於照片拍攝角度有些「低抄」，令阿佘的美腿更顯修長，睇到大班網民紛紛留言激讚。仲有人話阿佘對腳完勝她主演那套《楝篤特工》電影海報內那對女人腳。

其實阿佘已不是第一次於ig公開自己的水着look，睇返她的ig，她曾於2015年4月以及2016年2月都分別post過她的水着相，一張同樣是背面，另一張則是正面，正面那張都好性感㗎，而阿佘呢副咁fit的身形真是多年來都keep得咁好。難得是她咁錫大家，每年都咁慷慨大派一次軍糧，絕對是一年一度唔睇走寶呀！今次雖然隔得耐了少許，要等到11月先有得睇，不過阿佘無唔記得㗎。希望她明年都會繼續啦。