陳瀅睇農夫演唱見到「一生最愛」 何雁詩爆：please marry her
撰文：溫菁莉
出版：更新：
近期係Facebook最多人討論嘅演唱會，一定係農夫上星期四晚開始在旺角麥花臣場館舉行《農夫等錢洗演唱會》，農夫每首歌都可以話勾起好多人唔少回憶，圈中人緣甚廣嘅佢地都吸引不少好友到場支持，好似被農夫笑稱做「did did姐」鄭裕玲，張繼聰、黃又南、田蕊妮等。昨晚就有陳瀅同好姊妹何雁詩 、陳嘉寶同蔡思貝去睇演唱會，她們不時上載短片到Instagram，期間演唱會仲撞到一位觀眾冧到陳瀅瘋狂俾心心！
陳瀅昨晚去睇農夫演唱會時，見到偶像方大同，即刻瘋狂俾心心。
+13
2015年方大同開騷，身份die-hard粉絲嘅陳瀅當然要到場支持偶像，你睇佢地幾開心！(視覺中國)
原來令陳瀅瘋狂俾心心嘅並唔係農夫，而係方大同呀！如果去睇騷偶像正正坐係你面前，都唔知睇騷好定睇偶像好，而呢嗰情況就發生在昨晚演唱會上。方大同真係坐係陳瀅前一排，雖然只係見到背影，但已經足以冧到陳瀅一陣陣，而好姊妹何雁詩更將俾心心片段po到IG story ，留言話，「一生最愛，Please marry her」之後仲tag埋方大同，呢啲行為真係好姊妹先可以做到！睇返資料，方大同2015年開演唱會，Jeannie都有去撐偶像場，當時亦都係同何雁詩陳嘉寶以及張繼聰夫婦一齊去睇騷，期間方大同唱出英文情歌《Nothing's gonna change my love for you》時，Jeannie仲上載一邊跳舞一邊唱歌的片段到IG並寫住，「KHALIL❤️」！呢啲咪就係愛囉!