《降魔的》近兩集都偏向講親情，講馬季（馬國明飾）如何跟自己的父母力哥（金剛飾）和力嫂（小儀飾）相認，又講石敢當（胡鴻鈞飾）跟自己的媽媽晶晶（謝雪心飾）如何相處，畫面相當之溫馨感人，不過降魔畫面就少了點。不過不要緊，在最後九集好快又要降魔伏妖，在片頭主題曲和預告上都出現過馬季拿起一把型到震裂的槍去射魔鬼，究竟他何時才拎起這把槍呢？

要成為一個專業的降魔師，武器實在在所難免，有追開劇情的觀眾都知道，馬季身份特別，他的血是有降魔伏妖的功效，那又何必拿槍呢？馬國明在接受《香港01》訪問時指：「其實嗰幕都最尾架喇，差唔多去到最尾，佢都要經歷咗好多先可以進化到一個收埋晒感情嘅驅魔人。同埋其實佢嘅血本身可以降魔，你可以幻想嗰枝唔係一把真嘅槍，可以係玩具槍，只要射到BB彈，啲BB彈有佢嘅血就可以降魔，唔好誤會咗以為拎支真槍去射魔鬼。同埋套劇主要係sell劇情，任何動作同特技都只係點綴吓，希望觀眾留意劇情喇，因為個劇情真係幾感人吓。」其實劇情還有好多條線未交代清楚，只有九集時間真的怕不足夠，希望快點進入高潮位吧。