最近有不少人追捧《降魔的》，但其實更加多人收看《開心速遞》，尤其昨晚在Mandy(謝芷倫飾）、博士（馬貫東飾）及阿水（呂慧儀飾）的三角關係，不少人看到阿水有意無意好像想拆散博士、Mandy，看得咬牙切齒，還揚言如果阿水搶到要殺編劇，當然字面激動，事實上當然不會啦....但博士又答得好玄妙，他接受《香港０１》訪問時說：「我暫時，暫時呀，拍緊二百二十幾集嗰啲都係同Mandy一齊，但唔知最後點寫㗎，不過我都都會幫佢出頭嘅，大家放心。」

馬貫東繼上次飾演十仔，今次就飾演博士，同樣是戇直青年，他自言與角色相像，他說：「現實中嘅我好弱架，好聽女朋友話，好少做女朋友唔鍾意嘅嘢，出於尊重，博士呢個人始終初戀，可能冇乜經驗，有啲細節都忽略咗，想法可能太單純又冇機心，有時做咗啲傷女朋友心嘅野都唔知，（現實中有冇阿水呢類女性朋友？）女性好朋友係有，不過去到好似博士同若水咁既程度就無啦，（女朋友唔滿意你太多女性朋友點？）如果我有女朋友的話都應該唔會出現呢個問題，因為唔夠大方同明白事理都比較難接受到同演員拍拖，始終呢個行業接觸到異性既機會都相對地多，咁既然係大方同明白事理，又點會無原無故唔鍾意我身邊既女性朋友呢。（咁你揀阿水定Mandy?)比我揀咁益我 哈哈 不過mandy同呀水既性格都好似唔太適合現實生活既我，mandy太遷就男朋友無左自己，而呀水就偏向剛烈，如果有一個人拎到個平衡點就好好啦」現實中嘅博士醒好多喎。

至於宅男最關心的Mandy，她就表示未知和博士會怎樣發展，她說：「我都未知writer 點寫落去，我自己都好緊張同博思條線會點發展，（現實中有博士呢隻男仔，妳會點？）我相信現實中一定有博思這種男仔，我會表達俾他知我的感受，不會扮大方，自欺欺人更難受。」而謝芷倫自《開心速遞》後，演出機會亦越來越多，剛拍完《堅離地愛堅離地》及《是咁的 法官閣下》。