今晚電視城真係星光熠熠，全台總動員一齊為TVB慶祝金禧50周年生日。每年呢嗰時候有好多女藝員，都會有幾性感著得幾性感，但今年台慶前幾日，樂易玲發出禁色令，下令一眾女藝員要密實，指令一出，大家都驚台慶一班女星會著潛水衣式晚裝登場，好彩最後都沒有發生，而這個禁色令點解會突然發生?相信大家都知，作為一個高層，如果沒有受到壓力，絕對不會發出指引，一定係受到某一些人的意見，才有這個決定，而電視城就有傳聞指無綫一位極高層太太，因為見到陳庭欣主持的《3日2夜》中造型太性感，繼而向自己的極高層老公投訴，而這位愛妻高層，即命令負責無綫藝員管理及發展的助理總經理樂易玲，馬上整頓，所以上星期向全公司的藝人發出了工作指引。

亦即是始作俑者是陳庭欣啦，但陳庭欣《三日兩夜》有幾性感?攪到高層下禁色命令?有冇咁犀利呀?對於這個禁色令傳說，《香港01》就找陳庭欣問清楚，她聽到傳言就愈說愈激動，她說：「首先我要重申《三日兩夜》唔係我嘅，好多朋友都有拍，我只不過參與咗兩輯，我覺得唔會針對某一個人嘅，我哋呢啲內部指引久唔久就出現，有時就叫人唔好喺廠食嘢或者影相呀，所以…我覺得唔係針對某一個節目或者某一個人囉，我要做嘅嘢就係拍好個節目，我知道要著泳裝，我就好努力keep馬甲線。」Toby唔駛驚呀，我哋大家支持你，繼續性感。