昨晚台慶應屆視帝陳展鵬都有表演打鼓，仲挑戰人體極限360度，反轉再反轉倒吊打鼓，簡直係好似係洗衣機入面打鼓一樣呀！完騷後，陳展鵬就接受《香港01》訪問時就話今次花了好多時間預備，仲話為了今次表演整到條腰，「呢嗰真係魔術嚟，你要相信人類嘅極限可以反地心吸力。」

陳展鵬話公司投放左好多資源係呢一個表演上面，「50位小生大家都知道拍劇好忙，排練左好耐，同公司一樣喇踏入50年，好難得。人生有幾多50年，下次就100年，咁我仲後生應該等到，希望有嗰特別啲嘅表演。」佢特別多謝今次教佢打鼓嘅老師，「練習嘅時間好倉卒，佢有好多嘢做，所以我係屋企用好多枕頭練，「首先你有耳水不平衡同有畏高一定玩唔到，如果你鍾意玩過山車咁當然無問題，屋企小朋友千萬不要學，呢嗰真係魔術黎。」被吊係半空仲要一邊打鼓，相信唔係個個都頂得順，陳展鵬就話最驚跌鼓棍，「如果又跌棍又入錯拍子，咁就（大檸樂）喇。我講緊係打完鼓要飲大嘅杯檸樂定一定驚，因為倒轉會有胃氣上返黎。」ＯＫ，你贏！