網劇《上癮》在內地首播出不到24小時已獲過千萬點擊，但可惜因為題材敏感而遭強制性下架。反觀令一套全男班上陣嘅《蔚藍50米》就竟然得到廣電總局點名讚賞，公平咩？！廣電總局早前發怖咗一份「網路視聽節目優秀作品創作規劃補助名單」，《蔚藍50米》係唯一一部上榜的青春劇，該劇以08年奧運會為背景，講述了一群年輕的運動員，在訓練中找到了人生的價值，最終把人生的目標定格在為國爭光上，正能量多到一地都係，難怪得到廣電總局點讚啦。

《蔚藍50米》改編自同名漫畫，並搵來一班90後小鮮肉李昕哲、楊天琪、孫偉豪、顧權、張藝馳擔正，個個為做「泳壇男神」早在開拍前兩個月密集式練水。第一季全16集上月播出時，共錄得過億點擊率。不過，唔少網友睇完之後，都認為同又係以游水為題材的劇集《浪花一朵朵》十分相似，不過，亦有網友指《蔚藍》可以媲艾《男兒當入樽》，仲話其中兩位男主角張若晨同程哲海如同升級版流川楓和櫻木花道……有廣電總局加持，似乎什麼也是好。