唔知大家唱K嘅時候，如果點到《K哥之王》，會唔會學起Eason同黃宗澤(Bosco)合唱嘅方式呢？最近係TVB播出的《溏心風暴3》見到Bosco之外，相信一班粉絲最開心嘅一定係佢昨晚在Instagram上載數張自己與音樂監製葉肇中在錄音室嘅照片並留言「究竟我地搞緊乜？」，正式向歌迷宣佈重返樂壇。當你睇到呢度，相信已經不自覺地click入去聽以往嘅「代表作」，不少網友聽到Bosco重返樂壇呢嗰消息感到振奮，仲話「樂壇欠佢一個交代！」。

Bosco係2008年由演員轉戰歌壇都唱過幾多歌架，好似永遠只記得chorus「please don’t go johhny」嘅Hey Boy同「能共你好好地相處」嘅《最後祝福》，Bosco嘅假音令歌迷都只好講句「調音師真係可以化腐朽為神奇」。直到2009年，Bosco係勁歌金曲頒獎典禮上被抽中與歌神陳奕迅合唱《K歌之王》，未唱之前已被主持人曾志偉大爆「我見過你係卡拉OK唱過好多次，次次都走音！」點知志偉一語成讖，Eason同Bosco簡直係天堂同地獄，因為後者唱到上氣不接下氣，連續走音，從此其歌藝被網友淪為笑柄。其後Bosco亦專心做戲劇方面，逐漸消失於樂壇未有再推出專輯，但周不時在節目獻唱歌曲。但Bosco今次重踏錄音室好明顯對歌唱事業係無放棄，呢種不屈不饒的精神值得大家去學習，所以今日就同大家回顧一下Bosco的經典歌曲。

請將音量較大