男神彭于晏日前於內地某機場被野生捕獲，平時出席公開場合必定型英帥靚正示人的他，竟然着了一身阿伯look，頭戴冷綠帽，身穿同紅白藍勁似的長袖格仔恤衫，外搭一件好有棉襖feel的藍色棉背心，襯條藍藍綠綠色布褲再配黑鞋，仲要無剃鬚，俾著第二個真係未必carry到，但神同人嘅分別就係呢到，因為呢個係彭于晏就算阿伯look，依然係殺哂。

有網民就笑彭于晏突然變了阿伯，尤其當他扁嘴笑個樣十足成個小老頭咁。不過男神始終係男神，是絕不會因為一套衫一頂綠帽而破壞了他至高無上的顏值，所以就算彭于晏個樣有少少累，依然都仲係好靚仔，再加埋他一連串的趣怪表情，真係好cute cute呀！所以靚仔係無敵，巴打唔好見彭于晏呢個阿伯look掂，就跟風，因為我哋只係凡人。