大家睇森美主持的無綫旅遊節目《森美旅行團》係咪睇得好開心呢？除了mark低晒森美介紹過的景點餐廳跟住去之外，有無諗過真的可以跟住森美一齊去旅行？森美出年會為東瀛遊出任星級導遊，帶團去日本四國呀，得一千零一團咋！只此一團的森美四國4日團於明年2月1日出發，而團費都只係港幣$15,888，好抵呀！相比起杜如風做領隊的東京6日團，同樣於明年2月出發，但就要$118,888，足足貴過森美帶的團10萬蚊以上，就算大年初一出發都覺得好貴囉，森美個價的確係好親民。

講下森美的四國團有咩玩先，呢個直航飛德島4日團的團費包來回機票、坐港龍獨家的包機，入住3晚酒泉酒店及每日3餐，仲已經包晒各個景點門票，重點是全程都有森美陪大家一齊玩一齊食，兼一齊浸溫泉添呀！當然呢個福利只限男生啦。德島比較少香港人去，大家相對對呢個地方比較陌生，所以都有跟團的價值，跟住森美就實唔怕唔識去邊玩啦。森美表示自己會完完整整跟足4日，保證每次搭車都會獻唱一首歌，浸溫泉時候亦會大方show腹肌任睇。

森美安排的行程包括去宮崎駿動畫「千與千尋」場景：道後溫泉會館浸溫泉、參加森美 X EGL阿波舞派對、森美到時會同大家一齊跳，一齊體驗呢個四國超過400年歷史嘅傳統舞蹈文化，仲會去坐懷舊古董少爺列車、大步危秘景溪谷遊船、採摘士多啤梨放題、品嚐米芝蓮推介的高松栗林大名和風庭園美食，細味宇和島鯛魚料理及高松牛壽喜燒會席料理，好吸引呢！在森美的帶領之下可以多角度認識同感受四國的文化特色，絕對不是一般只識瘋狂shopping的購物團可以比㗎。係咪好想參加？Sorry，名額只得30個，於開售當日已火速售罄喇，唯有寄望森美遲些會再帶團啦。