【亞視復活】前TVB監製林嘉穎過檔亞視 宣佈重拍《英雄本色》
撰文：溫菁莉
出版：更新：
明年將以OTT方式與觀眾見面嘅亞視，雖然手機apps在昨天已上架，但其實今午先正式對外正式開放註冊會員功能同大家互動一下。因為未正式開台所以暫時未有新節目睇，但劇集，經典節目，音樂及電影真係（包羅萬有）喇！今早舉行的亞視記者會上，就公佈將會開拍經典電影《英雄本色》以及《我和殭屍有個約會》，仲搵買前TVB監製林嘉穎亦獲吳雨邀請擔任製作總監一職，他接受傳媒訪問時就表示現階段仍屬初步計畫，演員陣容還未確認，而劇情主要圍繞兄弟情同黑幫。
前TVB監製林嘉穎(中)擔任製作總監一職，他透露將開拍《英雄本色》以及《我和殭屍有個約會》。(陳順禎攝)
以上嘅劇集，只有《新都市人》嘅演員大家會比較熟悉一點。
要數最新劇集，最新嘅都係今年年初嘅《愛 來的剛好》。
雖然新劇集係apps仲未有得睇，但大家都可click入劇集一欄睇下有咩煲，但內容似乎有點失色，因為只有5套，而且全部都是內地劇集，當中只有一套《愛 來的剛好》係今年新劇，其餘包括《新都市人》2012年，《麻辣變形計》2016年，《山楂樹之戀》 2010年，及《花火》2015年。除了《新都市人》有大家熟悉嘅面孔，有宣萱同吳啟華之外，其他劇集的演員對於香港觀眾來說，真係唔太熟悉！
亞視經典好似好睇過劇集！
音樂方面只有3個特輯。
劇集唔啱睇咁咪睇下其中（亞視經典）搞成點喇，好似有林敏驄及曾志偉主持的《開心主流派》，《尋找他鄉的故事》，《今夜不設防》及《EVA會客室》，仲有《開心大發現》！雖然呢d節目之前曾經係亞視未熄機嗰陣已經無限滾動式翻loop，但真心覺得好睇過劇集（好似係）。至於音樂方面就只有分別來自台灣，內地以及馬來西亞的李宣榕，劉思涵及林明禎的音樂特輯睇，如果唔係粉絲好似真係唔會click入去睇！