【誇世代】向日劇《醫龍》致敬玩氣胸急救 棄原子筆用飲管太兒戲
撰文：李妍樺
出版：更新：
重頭劇《誇世代》由開播被大家一直鬧到依家，雖然卡士係史無前例咁盛大，但可惜劇情太膠，觀眾就唔識欣賞，所以即使有福將Bobby（歐陽震華）頂住，收視都係得23點，僅僅以2個點數壓倒《開心速遞》同《溏心風暴3》，但以咁大製作嚟計，《誇世代》真係輸幾條街，依家先播到第35集，大家仲要睇多3個禮拜。
《誇世代》上週平均收視報23.6點。
+2
《誇世代》嘅膠味真係冇極限，之前Sell玩「致敬系列」，好似陳豪學《叛逃》關禮傑跳天台，宣傳嗰陣李佳芯學吳岱融鬧Bobby「臭鴨」，江美儀又用返《名媛望族》嗰招玩黑絲誘惑。今集都唔例外，講到五小姐譚凱琪同Walking張繼聰巧遇洪永城，咁啱洪永城就被人打到氣胸發作，咁譚凱琪係醫生嚟㗎嘛，佢就妙心仁心咁幫佢做急救，嚟手喺個垃圾桶度執咗支飲筒，一手就插咗落洪永城個胸度，咩話？支飲筒仲鋒利過姜大衛把刀喎！事後網民就投訴，話呢幕係向日劇《醫龍》致敬，連韓劇《醫療船》同港產片《辣手回春》都有用過呢個橋段，但唔同嘅係人哋用原子筆桿，可執行性高好多！
咩話？飲筒刺穿心口？（網上截圖）
直撃整個「用飲管急救氣胸」過程：
+8