因內地真人騷《爸爸去哪兒5》而爆紅的杜江囝囝嗯哼（杜宇麒），上星期於內地出席頒獎禮時，一句「大家辛苦了」即時溶化全場嘉賓。

踏入新一年，嗯哼就同爸爸媽媽去瑞士滑雪度假，並且好快學識skis，媽媽霍思燕即時透過微博報喜，而杜江亦有上載同嗯哼嘅合照以及影片，片段中，嗯哼應該係同父母用餐中，但由於時差關係，所以不停「釣魚」，杜江在旁就係咁話「麒麒，杜宇麒，醒醒，沒事，撐一下好嗎」並不停狂笑，但嗯哼仍緊閉眼睛，嘴巴張開又閉合，似乎連發夢都食緊嘢，非常可愛。片段一出，一眾姐姐／姨姨又再次被溶化，更指嗯哼新一年馬上學識邊睡邊吃技能，亦有唔少粉絲笑言「杜江可能是假爸爸」。