周柏豪2018新搞作扮孫悟空 忽然好似T.O.P＠BIGBANG？
撰文：溫菁莉
出版：更新：
講起孫悟空，大家一定係諗起張衛健或者係陳浩民，嚟緊又會多一個，佢就係周柏豪。今年柏豪真係百足咁多爪嘅，除了唱歌，去年更拍攝埋TVB劇集《使徒行者2》同《再創世紀》，踏入新一年估唔到佢連「孫悟空」都做埋，點解咁講？因為晚上柏豪在Instagram上在了幾張自己在內地網絡電影《闘戰勝佛2》嘅造型照，染上紅頭髮嘅佢仲留言話，「容許我介紹一下自己 我是闘戰聖佛 名字 孫悟空 最喜歡香蕉 最怕我師傅」不少粉絲都見到話毫無違和感，仲有人話好似韓國天團Bigbang嘅T.O.P！
周柏豪扮孫悟空，大家接受到嗎？
睇張馨予呢嗰look，應該係扮紫霞仙子。
係網上翻查《闘戰勝佛2》嘅背景，原來2016年已推出第一集，孫悟空一角就由陳浩民主演，但評價就負評到慘不忍睹。今次第二集的官方微博指是主創團隊全面升級，劇組在日前才在橫店正式開機，而女主角則由內地女演員張馨予擔正。希望今次柏豪扮孫悟空，唔會引起外界負評喇！