【有片】徐榮愛女包包識講流利BB話　100萬題目考下邊個聽得明？

徐榮愛女徐心怡 (包包) 現在已經兩歲多，返緊Playgroup，同其他小朋友接觸多了，說話也自然多了，呢個階段真係最好玩最得意。不過包包依然是講緊BB話，要聽得明她講甚麼都唔容易。日前徐榮就上載了一條短片到Facebook，片中影住坐於車廂中的包包，好可愛咁一輪嘴講緊BB話。

包包全程都講得好認真，好用力咁發表她的偉論，但無一個字是讓人聽得明的，包包完全是一副話之你的態度繼續講，好搞笑㗎。而徐榮這條片的標題是「原來包包眼瞓嘅時候識講韓文㗎」，包包講嘅BB話聽落又確實有些似韓文呢。網民紛紛留言大讚包包好Cute cute，講嘢講得好流利，又問包包係咪講緊外星話。