前TVB新聞小花陳嘉倩離開無綫後，與男友陳志遠的新聞幾乎周不時都會在八卦雜誌見到佢。上星期就有報導揭發陳志遠原來留有案底，仲有位正印女友朱婉禎，搞到疑似係「小三」陳嘉倩極快速同對方斬纜宣告分手。點知後來陳嘉倩就收到不明來歷兼具有威脅性的短訊和電話滋擾，搞到佢好驚，為了人身安全仲去埋中環警署備案。蔓延到今日事件又有新進展，「潛水」多日的陳志遠接受週刊訪問時直認自己一腳踏兩船，仲自稱係「賤男」。

陳嘉倩fb千字文控訴「分手後被不斷威嚇滋擾」　現已報警處理陳嘉倩新仔原來坐過監　曾被追討過百萬

陳志遠表示之前同陳嘉倩拍拖時，雖然有帶過佢見家長，但就通對方表明有正印女友朱婉禎兼同居，但陳嘉倩都一於少理，照與陳志遠一齊，但強調與對方拍拖時間半年以上都無。其後問到陳志遠與陳嘉倩分手後，點解對方會聲稱自己收到滋擾電話兼到中環報案？佢就話唔知道被人恐嚇。但最後分手原因係因為壓力太大而且雙方性格唔夾，並強調係和平分手。