【溏心風暴3】連黃宗澤性無能都唔介意　黃翠如主動擒啜得米

無綫50周年台慶重頭劇《溏心風暴3》已經進入尾聲階段，三十幾集以來凌乘風 (黃宗澤飾) 同方希文 (黃翠如飾) 一直都係好朋友，即使黃翠如後期開始暗戀黃宗澤，但兩個的感情線依然未有進一步發展。今晚播出的一集翠如BB終於忍不住要出大絕，使出一招借醉行兇，扮飲醉酒而對黃宗澤主動出擊。正所謂女追男隔重紗，翠如BB出完招之後亦都順利得米，同黃宗澤突破了朋友關係成為情侶。

今晚劇情講翠如BB飲醉酒，撒嬌要黃宗澤抱她上床，在床上跟黃宗澤告白話不想再做兄弟，仲主動伸手摟實黃宗澤嘴嘴。不過兩人錫了幾下之後，黃宗澤就突然冷靜下來並停下了，翠如BB只好收手並繼續扮醉瞓覺。不過翠如BB並沒有因此放棄，實行要用真誠打動黃宗澤，跟住對方去睇醫生。她就算得知了黃宗澤原來已經性無能，都不介意，更再次主動摟實對方說：「我鍾意呀，最緊要我鍾意之嘛。」即刻冧死黃宗澤啦。