賭王與四太梁安琪的仔仔何猷君最近積極參加內地綜藝節目，先參加《最強大腦》同天才比較智慧，又同緋聞女友奚夢瑤一齊參加拍拖真人騷《愛的時差》。上次猷君帶埋奚夢瑤返去香港豪宅，仲一齊養狗仔，兼介紹豪宅。

今次何猷君又在屋企玩直播，同大家介紹下間豪宅。呢棟豪宅有三層，只有猷君同家姐超盈一齊住，最巴閉是兩姊弟一人住一層豪宅，十足示範單位。猷君先在自己間房同網民吹下水，超盈都有加入一齊傾兩句，講下以前在英國讀書的經歷。他再由二樓行樓梯落地下，沿路介紹屋企，超盈住1樓，猷君住2樓。當他走到超盈房前，他即笑家姐的品味︰「她將間房佈置到好似公主一樣，老實說覺得好土！」咁大膽取笑家姐的品味，真係唔驚畀超盈聽到！

【愛的時差】何猷君豪宅曝光好葡萄 送花畀奚夢瑤不惜跳樓

何猷君投訴香港航空不公平對待　獲職員認出後10分鐘找回證件

後來落到地下，網友就叫猷君露兩手彈鋼琴，又叫網友千析唔好畀錢買虛擬禮物，仲話︰「唔好買禮物呀！如果唔係唔彈琴！」其實都係想錫住粉絲荷包，唔想大家破費。不過他彈琴前就話超盈間房好近鋼琴，以前彈琴會被家姐投訴。他亦介紹自己最愛的日本動漫《One Piece》珍藏，還有網球明星簽名網球，皆因爸爸何猷君最愛打網球。