林心如素顏慶祝42歲生日　容光煥發唔使P圖

台灣女神林心如日前同成班老友慶祝42歲生日，她在微博上載開Party的照片，其中一張仲係心如依偎在老公霍建華懷中，同框放閃。除咗老公同好姊妹許瑋甯，仲有一班曾經合作過嘅小鮮肉到賀，包括《16個夏天》的謝佳見和周興哲，還有《我的男孩》中的張軒睿和許光漢。

心如素有不老女神嘅稱號，即使嫁咗人，升格做咗阿媽，但身材樣貌都仲Keep到，可能女神依家忙住湊女，呢日慶祝生日，化唔切妝要素顏上陣，頭都無Set，而且件衫都略顯家居，不過咁都遮蓋唔到佢陣星味，雖然無化妝，但塊面都好有光澤，真係令人羨慕！

心如當日被台灣記者影到佢離開時腳步不穩，要朋友攙扶，被懷疑飲大咗，經理人事後解釋因為佢戴住帽同口罩，所以睇唔清楚路，先要人扶姐。